ఆపరేషన్ ... యమ...
మొదటిడాక్టరు : నా పాతికేళ్ళ సర్వీసులో ఎన్నోవందల ఆపరేషన్లు చేసి ఉంటాను గాని, ఒక్కసారి కూడా కుట్లు వేసే అవసరం రాలేదు.
రెండవ డాక్టరు : అదెలా సాధ్యం..? ఏదైనా లేటెస్ట్ టెక్నాలజీ ఉపయోగించావా.. ?
మొదటి డాక్టరు : టెక్నాలజీనా తొక్కా... ఆపరేషన్ పూర్తి అయ్యే వరకు ఒక్క పేషంట్ అయినా బ్రతికితే కదా..!!
ఫ్రీ టైం
కిరణ్ : ఒక ముఖ్యమైన పని మీద మిమ్మల్నికలవాలి.మీరు ఆఫీసులో ఏ సమయంలో ఖాళీ గా ఉంటారు సార్...?
సుబ్బారావు : ఉదయం నుండి సాయంత్రం వరకూ నిద్రకు నిద్రకు మధ్య లంచ్ టైం ఉంటుంది. భోజనం తరువాత ఓ రెండు నిమిషాలు వక్కపొడి నములుతాను. అప్పుడు కలువు...చూద్దాం...!
తెలుసా...?
సుబ్బారావు : రాత్రి
మా ఆవిడను తిట్టిన తిట్టు తిట్టకుండా చడా మడా నాలుగు తిట్టేసి, రెండు
చెంపలు వాయగొట్టేసాను తెలుసా...?
అప్పారావు : నిజమా...? మరి ఆవిడ
ఊరుకుందా...?
సుబ్బారావు : ఊరుకోక
ఏం చేస్తుంది... ఇదంతా జరిగింది రాత్రి కలలో కదా మరి ...!!!
కవిత...
(అప్పుడే అఫీసు నుండి ఇంటికి వచ్చిన భర్తతో...)
శాంతి :
ఏమండీ... రాత్రంతా కష్టపడి ఒక పేద్ద కవిత రాసాను వినండి...
శ్రీధర్ : ఒక్క
నిమిషం ఆగు...వచ్చేటపుడు అమ్మానాన్నని చూసి వచ్చాను.అన్నయ్య అక్కవాళ్ళతో
కూడా మాట్లాడాను...
శాంతి : ఏం ఎందుకు...?
శ్రీధర్ : ఆ... అన్నట్లు, ఇక్కడ ఉన్న ఇళ్ళు నీ పేరిట రాసేసాను. ఊళ్ళో ఉన్న
రెండు ఇళ్ళు అమ్మాయికి, అబ్బాయికి...
శాంతి : అదేమిటి...?
శ్రీధర్ : బ్యాంకు లో మీ ముగ్గురి పేరిట అక్కౌంట్స్ లో డబ్బులున్నాయి... ఆ
అక్కౌంట్ బుక్స్ మన బెడ్ రూం లోని బీరువాలో సీక్రేట్ సొరుగులో పెట్టాను.
శాంతి : ఇప్పుడివన్నీ ఎందుకు చెబుతున్నారు...?
శ్రీధర్ : ఆగాగు... ఒక్కసారి పిల్లల్ని కూడా చూసుకుని వచ్చేస్తాను... మధూ...
సందీప్ ఎక్కడున్నార్రా....?
శాంతి : ఏమైందండి... ఏమిటిదంతా...?
శ్రీధర్ : ఏమో శాంతీ... నేను లేకుండా ఎలా బ్రతుకుతావో ఏమిటో... అసలే ఆ పిచ్చి
కవితలు రాసుకుంటూ బ్రతికే పిచ్చి మాలోకానివి...కానీ, ఏం చేద్దాం... ఊ...ఇప్పుడు
చదువు నీ “పేద్ద కవిత...”
శాంతి : !!!???!!!
సేఫ్టీ...
చంద్రం : రాత్రిళ్ళు
వరదల్లో కొట్టుకుపోతున్నట్లు పీడకలలొస్తున్నాయి డాక్టరు గారు...
డాక్టర్ : లైఫ్
జాకెట్ వేసుకొని, పడవ లో పడుకొండి...
హృదయం
డాక్టర్ : నీకు
హార్ట్ ఆపరేషన్ చేయాలయ్యా...ఎల్లుండి అన్ని ఏర్పాట్లు చేసేస్తాం. నువ్వు
వచ్చేయ్...
రాము : సరే
డాక్టర్...!
( ఆపరేషన్ చేయాల్సిన
రోజు తన గర్ల్ ఫ్రెండ్ తో వచ్చాడు రాము.)
రాము : నా
హృదయం ఈవిడకిచ్చేసాను. తనకు చేయండి డాక్టర్... ఆపరేషన్ !
డాక్టర్ : ???!!!???
సిలిండరు
శ్రీధర్ : సరళా ... ఎన్నిసార్లు
చెప్పాను నీకు ఆ గ్యాస్ సిలిండరు మీద నీ చీర ఆరెయ్యొద్దని...
సరళ : ఇప్పుడు ఏమయ్యిందండి ...?
శ్రీధర్ : నువ్వనుకుని ఆ
సిలిండర్ ని వాటేసుకున్నాను...!
సరళ : ???
తుమ్మమొద్దు
కాంతం : (గోముగా) ఏమండీ...నేను ఇరవై రోజులు పాటు ఊరెళ్తున్నాను
కదా...!
అప్పారావు : ఊ...
కాంతం : పాపం నన్ను
చూడకుండా ఎలా ఉండగలరూ...?
అప్పారావు : ఫర్వాలేదులే
కాంతం... మన దొడ్లో... ఆ మూలకు ఓ నల్లతుమ్మమొద్దు ఉందిగా... నువ్వు
వచ్చేదాక
దాన్ని చూసుకుంటూ బ్రతికేస్తాలే...!!!
చూసుకుంటాను
పెళ్ళయిన కామాక్షి, పెళ్ళికాని మీనాక్షి
క్రొత్తగా స్నేహితులయ్యారు.
మీనాక్షి : ఈ వీధి చివర మీ ఇంటి
వైపునుండి వచ్చే ఒకాయన రోజూ మా ఇంటి ముందు నుండి ఆఫీసుకు
వెళ్తుంటాడు.
కామాక్షి : ఊ...
మీనాక్షి : రోజూ నావంక చూసి
నవ్వుతుంటాడు. చాలా బాగున్నావని సైగలు చేస్తుంటాడు...
కామాక్షి : ఆహా...!
మీనాక్షి : ఈ రోజు ఉదయం ఐ లవ్ యూ
కూడా చెప్పాడు.
కామాక్షి : ఎలా ఉంటాడూ...?
మీనాక్షి : చాలా బాగుంటాడు.
ఎత్తుగా, ఎర్రగా, గిరజాల జుట్టు...
కామాక్షి : మీసాలు ఒత్తుగా ఉంటాయా...?
మీనాక్షి : హ హ... అవును.
కామాక్షి : ఈ రోజు బ్లూ షర్ట్,
వైట్ పాంట్ వేసుకున్నాడా? (అనుమానంగా)
మీనాక్షి : అవునవును నువ్వు
చూసావా...?
కామాక్షి : లేదు ఇప్పుడు
చూసుకుంటాను.( పళ్ళు పట పట లాడిస్తూ... అంది గుర్రుగా)
ఆయన కామాక్షి వాళ్ళాయన మరి...!!!!
కట్టెయ్యొచ్చు...
లక్ష్మి : (పాట పాడుతూ ఉంది) “ఇన్నాళ్ళకు
గుర్తొచ్చానా వానా...నువ్వొస్తానంటే నేనొద్దంటానా...?”
శ్రీను : లచ్చూ... నువ్వు బయట పాడే కంటే... ఏ
రేడియోలోనో, టి.వి. లోనో పాడితే చాలా
బాగుంటుంది.
లక్ష్మి : (ఉత్సాహంగా) ఏం... ఎందుకనీ...!
శ్రీను : రేడియో గాని, టి.వి. గాని అయితే
వినడానికి కష్టంగా ఉన్నపుడు, కనీసం కట్టేయ్యడానికి
వీలుంటుంది. ఇప్పుడా అవకాశం
లేదుగా...(అన్నాడు బాధగా)
కామెంట్లు లేవు:
కామెంట్ను పోస్ట్ చేయండి